Shocking: चोरट्यांनी मारला तब्बल साडे सहा लाख रूपयांच्या मुद्देमालावर डल्ला ! Theft of Rs 6.5 lakh in Patoda robbery

जामखेड टाईम्स वृत्तसेवा: जामखेड तालुक्यात गेल्या काही दिवसांपासून घरफोडीचे सत्र सुरूच आहे. चोरट्यांकडून कधी दिवसा तर कधी रात्री लुटमार केली जात आहे. यामुळे जनतेत भीतीचे वातावरण पसरले आहे. अश्यातच आणखीन एक घरफोडीची घटना समोर आली आहे. जामखेड तालुक्यातील पाटोदा येथील मोरेवस्तीवर तीन चोरट्यांनी घरफोडी करत तब्बल साडे सहा लाख रूपयांच्या मुद्देमालावर डल्ला मारला आहे. (Theft of Rs 6.5 lakh in Patoda robbery)

मंगळवारी पहाटे ही घटना घडली आहे. या घटनेत चोरट्यांच्या मारहाणीत फिर्यादी हे जखमी झाले आहेत. या घटनेत चोरट्यांनी रोख दोन लाख रूपये व साडे पाच लाख रूपयांचे दागिणे चोरून पोबारा केला आहे. या घटनेमुळे पाटोदा परिसरात मोठी खळबळ उडाली आहे. (Theft of Rs 6.5 lakh in Patoda robbery)

दरम्यान सदर घटनेची माहिती मिळताच डिवायएसपी आण्णासाहेब जाधव, पोलिस निरीक्षक संभाजीराव गायकवाड, पोलिस उपनिरीक्षक राजेंद्र थोरात यांच्या पथकाने तातडीने घटनास्थळी भेट देत पाहणी केली. या प्रकरणी जामखेड पोलिस स्टेशनला परशुराम नागुराव मोरे वय 64 धंदा शेती रा पाटोदा ता जामखेड यांच्या फिर्यादीवरून तिघा अज्ञात चोरट्यांविरोधात कलम 394 नूसार गुन्हे दाखल करण्यात आले आहेत. या प्रकरणाचा पुढील तपास सहाय्यक पोलिस निरीक्षक महेश जानकर हे करत आहेत. (Theft of Rs 6.5 lakh in Patoda robbery)