मुंबई : Big boss season 17 winner 2024 : हिंदी चित्रपट सृष्टीतील प्रसिध्द अभिनेता सलमान खान (salman khan) होस्ट असलेल्या बिग बॉस या छोट्या पडद्यावरील लोकप्रिय रियालिटी शोच्या 17 व्या पर्वाचा विजेता रविवारी मध्यरात्री घोषित करण्यात आला.यंदाची बिग बॉस 17 (Big boss season 17) ही स्पर्धा कोणता स्पर्धक जिंकणार याची सर्वांनाच उत्सुकता होती. अखेर मुन्नवर फारूकी (Munawwar Faruqui) याने बिग बाॅग 17 चा सिजन जिंकला आहे.
छोट्या पडद्यावरील वादग्रस्त पण तितकाच लोकप्रिय शो असलेल्या बिग बॉस 17 च्या स्पर्धेत कोण बाजी मारणार याकडे सर्वांचेच लक्ष होते. या स्पर्धेत मुन्नवर फारूकी, मनारा चोप्रा, आणि अभिषेक कुमार या तिघा जणांमध्ये जोरदार टक्कर झाली. या तिघांमधून कोण विजेता होणार याकडे सर्वांचेच लक्ष होते. अखेर मुन्नवर फारूकी याने बिग बॉस १७’चा ताज स्वत:च्या नावे केला.
104 दिवसांच्या या स्पर्धेची रविवारी सायंकाळी महाअंतिम फेरी पार पडली. यात मुन्नवर फारूकी याने सर्वाधिक मते मिळवत बिग बॉस १७ च्या विजेतेपदावर आपले नाव कोरले. बिग बॉस १७’च्या विजेता मुन्नवर फारुकी याला एक ट्रॉफी, आलिशान कार आणि ५० लाख रुपयांचे रोख बक्षिस मिळाले आहे. बिग बाॅस 16 च्या सिजनपेक्षा यंदा कमी रक्कम विजेत्याला देण्यात आली आहे.
कोण आहे मुनव्वर फारुकी?
मुनव्वर हा रॅपर आणि स्टँडअप कॉमेडीयन आहे. बिग बॉस १७ पूर्वी तो अभिनेत्री कंगना रणौतच्या ‘लॉक अप’ या रिअॅलिटी शोमध्ये दिसला होता. मुनव्वरचे स्वत:चे यूट्यूब चॅनेल आहे. तो नेहमीच व्हिडीओ शेअर करताना दिसतो.
