nagar kalyan highway accident today : नगर- कल्याण महामार्गावर तीन वाहनांचा भीषण अपघात; 6 मृतांची ओळख पटली
जामखेड टाइम्स वृत्तसेवा : nagar kalyan highway accident today : अहमदनगर – कल्याण महामार्गावर भल्या पहाटे ऊस वाहतूक करणारा ट्रॅक्टर, ठाणे – मेहकर एसटी बस आणि इको गाडी अश्या तीन वाहनांचा भीषण अपघात झाला. अपघाताच्या या भीषण अपघातात ६ जणांचा मृत्यू झाला आहे. अपघातातील मृतांची नावे आता समोर आली आहेत.
पारनेर तालुक्यातील ढवळपुरी फाट्या नजीक आज बुधवारी (२४ जानेवारी) पहाटे २.३० वाजता तीन वाहनांचा भीषण अपघात झाला. हा अपघात इतका भीषण होता की, तीनही वाहने चक्काचूर झाली. या अपघातात पाच जणांचा जागीच मृत्यू झाला असून त्यांचे मृतदेह पारनेर ग्रामीण रुग्णालयात नेण्यात आले. तर एकाचा अहमदनगर येथे उपचार चालू असताना मृत्यू झाला आहे. (nagar kalyan highway accident today)
nagar kalyan highway accident today : अपघातातील मृतांची नावे
दरम्यान या भीषण अपघातात मयत झालेल्या मृतांची ओळख पटवण्यात प्रशासनाला यश आले आहे. त्यानुसार या अपघातात निलेश रावसाहेब भोर -(देसवडे) ,प्रकाश रावसाहेब थोरात-वारणवाडी ( ता- पारनेर )अशोक चिमा केदार जयवंत रामभाऊ पारधी संतोष लक्ष्मण पारधी-जांबुत खुर्द ( ता – संगमनेर) सचिन कांतीलाल मंडलेचा-टाकळी मानूर ( ता- पाथर्डी ) हे मयत झाले आहेत,तर, सुयोग अडसूळ नावाचा तरुण या अपघातात जखमी झाला आहे.(nagar kalyan highway accident today)
अपघातातील जखमींना प्राथामिक उपचारासाठी पारनेर येथील रुग्णालयात दाखल करण्यात आले. काहींची प्रकृती चिंताजनक असल्याने त्यांना अहमदनगर येथील शासकीय रुग्णालयात उपचारासाठी हलवण्यात आले आहे. दरम्यान या भीषण अपघाताच्या घटनेमुळे सर्वत्र हळहळ व्यक्त करण्यात येत आहे.सहायक पोलिस निरिक्षक प्रमोद वाघ आणि त्यांच्या पथकाने घटनेची माहिती समजताच तातडीने घटनास्थळी धाव घेऊन अपघातग्रस्तांना तातडीने मदत करण्यास सुरुवात केली. पोलिसांसह स्थानिक नागरिकांनी मदत केली.(nagar kalyan highway accident today)
