जामखेड टाईम्स वृत्तसेवा : राज्याचे माजी जलसंधारण मंत्री तथा भाजपाचे प्रदेशाध्यक्ष उपाध्यक्ष प्रा राम शिंदे (Former Minister Ram Shinde) यांच्या जेष्ठ कन्येचा विवाह सोहळा नुकताच पुण्यात पार पडला. राम शिंदे यांना IAS जावई लाभला आहे. (Ram Shinde’s daughter married with an IAS officer ) त्यामुळे राजकीय वर्तुळात या विवाह सोहळ्याची जोरदार चर्चा रंगली आहे.
डॉ अक्षता शिंदे असं राम शिंदेंच्या जेष्ठ कन्येचं नाव आहे. त्या MBBS डॉक्टर आहेत. त्यांनी आपले वैद्यकीय शिक्षण पुणे (Dr. D. Y. Patil Institute of Technology) येथे पूर्ण केले आहे.
कोण आहेत IAS श्रीकांत खांडेकर?
IAS श्रीकांत खांडेकर हे सोलापूर जिल्ह्यातील मंगळवेढा तालुक्यातील बावची गावचे रहिवासी आहेत. श्रीकांत खांडेकर यांनी जिद्द आणि चिकाटीच्या जोरावर आपले शिक्षण पूर्ण केले. त्यांनी बी.टेकचे शिक्षण घेतले आहे. श्रीकांत खांडेकर यांनी IAS होण्याचे स्वप्न पाहिले होते. त्यासाठी त्यांनी दिवसरात्र एक करुन यूपीएससीची (UPSC) परीक्षा दिली होती. 2019 च्या केंद्रीय लोकसेवा आयोगाच्या परीक्षेत IAS श्रीकांत खांडेकर हे देशात 231 व्या क्रमांकावर आले होते. (IAS Srikant Khandekar was ranked 231st in the country) श्रीकांत खांडेकर हे बिहारमधील नालंदा येथे IAS या पदावर सध्या कार्यरत आहेत. खांडेकर हे सन 2020 च्या बॅचचे IAS अधिकारी आहेत. (Shrikant Khandekar is a 2020 batch IAS officer)
IAS श्रीकांत खांडेकर यांचे शिक्षण
IAS श्रीकांत खांडेकर यांनी सुरुवातीचं शिक्षण गावातीलच जिल्हा परिषद शाळेत घेतले. नंतर निंबोणी इंग्लिश स्कूलमध्ये माध्यमिक शिक्षण घेतले. त्यानंतर सोलापुरातून बारीवपर्यंतचं शिक्षण पूर्ण केलं. दापोलीच्या कृषी विद्यापीठातून त्यांनी कृषी अभियात्रिकीचं शिक्षण घेतलं. याच काळात त्यांची आयआयटीतही (IIT) निवड झाली. पण त्यांनी तिकडे न जाता. यूपीएससी (UPSC) परीक्षा देण्याच्या त्यांच्या निर्णयावर ठाम राहिले. त्यासाठी त्यांनी पुण्यात एक वर्ष अभ्यास केला. नंतर सहा महिने दिल्लीत अभ्यास केला.
सत्कार सोहळ्यातच राम शिंदेंना मिळाला जावाई
केंद्रीय लोकसेवा आयोग परीक्षेत IAS श्रीकांत खांडेकर देशात 231 व्या क्रमांकावर आले होते.त्यावेळी ग्रामस्थांनी श्रीकांत यांच्या नागरी सत्कार सोहळ्याचे आयोजन केले होते. तत्कालीन मंत्री राम शिंदे यांच्या हस्ते हा सत्कार समारंभ होणार होता. मंत्री राम शिंदे यांनी IAS श्रीकांत खांडेकर यांचा सत्कार केला. याच कार्यक्रमात राम शिंदे यांनी आपली मुलगी अक्षतासाठी वर म्हणून IAS श्रीकांत खांडेकरांना निवडले होते. कार्यक्रमानंतर माजी मंत्री राम शिंदे यांनी खांडेकर कुटुंबाची भेट घेतली होती. त्यानंतर हे नातं जुळून आलं. 14 फेब्रुवारी 2021 ला डॉ. अक्षता शिंदे आणि IAS श्रीकांत खांडेकर यांचा साखरपुडा valentine day च्या दिवशी झाला होता. दोघांचा विवाह सोहळा नुकताच पार पडला. या नव्या नात्यामुळे खांडेकर आणि शिंदे कुटुंबीयांमध्ये आनंदाचं वातावरण आहे.