Manchar Accident : पुणे नाशिक महामार्गावर तीन वाहनांचा भीषण अपघात, स्विफ्ट कार जळून खाक, तिघांचा होरपळून मृत्यू !
- हायलाईट्स
- मंचर (Manchar Accident) अपघात तीन वाहनांचा भीषण अपघात
- स्विफ्ट कार जळून खाक
- तीन जणांचा होरपळून मृत्यू
- पुणे – नाशिक महामार्गा जवळील घटना
- भोरवाडी अपघात
पुणे – नाशिक महामार्गावरून तीन वाहनांच्या अपघाताची एक मोठी बातमी समोर आली आहे. आज सकाळी कंटनेर- कार -टेम्पो या तीन वाहनांचा अपघात झाला. यात स्विफ्ट कार जळून खाक झाली. त्यातील तिघांचा होरपळून मृत्यू झाला. ही घटना पुणे – नाशिक महामार्गाजवळील भोरवाडी तांबळे मळा (ता आंबेगाव ) येथे घडली. मंचरच्या दक्षिण भागातील तीन किलोमीटर अंतरावर ही दुर्दैवी घटना घडली.
मंचर पासून जवळच असणाऱ्या भोरवाडी परिसरात पुणे – नाशिक महामार्गावर पुण्याच्या दिशेने जाणारा एक कंटेनर (GJ 01 WB 1737) बंद अवस्थेत उभा होता. त्याच ठिकाणी आज सकाळी टेम्पो (MH 12 QG 3351) व स्विफ्ट कार (MH 14 DT 0295) यांच्यात जोरदार धडक झाली. धडक झाल्यानंतर टेम्पो पुढे जाऊन उभ्या असलेल्या कंटेनर ला धडकला तर स्विफ्ट गाडीने पेट घेतला. त्यात स्विफ्ट गाडी पूर्णतः जळून खाक झाली आहे.
या अपघातात स्विफ्ट गाडीतील तीन प्रवाशांचा जागीच मृत्यू झाला आहे. तर सुदैवाने स्विफ्ट कारचा चालक व टेम्पो चालक बचावले आहेत. मृत तीन तरुण खेड तालुक्यातील राक्षेवाडी येथील असल्याची माहिती प्राप्त होत आहे. या परिसरात वाहतूक कोंडी मोठ्या प्रमाणात झाली आहे.
मंचर पोलीस ठाण्याचे पोलीस निरीक्षक अरुण फुगे पोलीस उपनिरीक्षक सोमेश्वर शेटे पोलीस नाईक राजेंद्र हिले, नंदकुमार आढारी हे घटनास्थळी दाखल झाले आहेत. पोलिस सदर घटनेचा कसून चौकशी करत आहेत.