Ashok Chavhan BJP : ठरलं ! अशोक चव्हाण आजच म्हणणार जय श्रीराम, भाजप प्रवेशाची जय्यत तयारी सुरू !
Ashok Chavhan BJP : गेल्या सहा दशकांपासून काँग्रेस सोबत असलेल्या काँग्रेसचे जेष्ठ नेते तथा राज्याचे माजी मुख्यमंत्री अशोकराव शंकरराव चव्हाण (Ex CM Ashok Chavhan) यांनी सोमवारी काँग्रेस पक्षाची साथ सोडली. काँग्रेस आणि आमदारकीचा राजीनामा दिला. दोन दिवसांत पुढील राजकीय निर्णय घेणार असे त्यांनी जाहीर केले. अशोक चव्हाण यांच्या पक्ष प्रवेशाबाबत एक मोठी बातमी समोर आली आहे. आज दुपारी अशोक चव्हाण भाजपात प्रवेश करणार असल्याची माहिती पुढे येत आहे. (latest update on maharashtra politics)
गृहमंत्री अमित शाह यांच्या उपस्थितीत अशोक चव्हाण हे आपल्या समर्थकांसह भाजपात प्रवेश करतील अशी चर्चा होती, परंतू राज्यसभा निवडणूकीच्या पार्श्‍वभूमीवर अशोक चव्हाण यांचा आजच भाजप प्रवेश होणार आहे. आज दुपारी भाजपा प्रदेश कार्यालयात अशोक चव्हाण भाजपात प्रवेश करतील, त्या दृष्टीने भाजपकडून जोरदार हालचाली सुरू आहे. आज दुपारी साडेबारा वाजता उपमुख्यमंत्री देवेंद्र फडणवीस व प्रदेशाध्यक्ष चंद्रशेखर बावनकुळे यांच्या उपस्थितीत हा पक्ष प्रवेश सोहळा होणार आहे.
