Karjat jamkhed News : भाजपच्या नव्या घोषणेने कर्जत दणाणले । Karjat Jamkhed Vidhansabha Elections Live Update 2024

जामखेड टाइम्स वृत्तसेवा  । सत्तार शेख ।  भारतीय जनता पार्टी व महायुतीचे अधिकृत उमेदवार प्रा राम शिंदे यांनी अत्यंत साधेपणाने शुक्रवारी आपला उमेदवारी अर्ज दाखल केला. यावेळी महायुतीचे पदाधिकारी आणि कार्यकर्त्यांनी कर्जत तहसील आवाराबाहेर मोठी गर्दी केली होती. यावेळी भाजपच्या कार्यकर्त्यांनी दिलेली एक घोषणा सर्वांचेच लक्ष वेधणारी ठरली. (Karjat Jamkhed Vidhansabha Elections Live Update 2024)

आमदार प्रा राम शिंदे यांनी शुक्रवारी दुपारी मतदारसंघातील सर्वसामान्य नागरिकांना सोबत घेत आपला उमेदवारी अर्ज दाखल केला.आमदार शिंदे हे तहसील कार्यालयाबाहेरील परिसरात उमेदवारी अर्ज दाखल करण्यासाठी दाखल होताच भाजपा व महायुतीच्या कार्यकर्त्यांनी जोरदार जल्लोष केला. ‘राम शिंदे साहेब तुम आगे बढो, हम तुम्हारे साथ है’ ‘भूमिपुत्र तुम आगे बढो, हम तुम्हारे साथ है,’ महायुतीचा विजय असो, अशी जोरदार घोषणाबाजी कार्यकर्त्यांनी केली. या घोषणांनी परिसर दणाणून गेला होता. (Karjat Jamkhed Live News)

‘दिसतोय फरक, राम शिंदे परत,’ भाजपची नवी घोषणा

दरम्यान, आमदार प्रा राम शिंदे हे तहसील कार्यालयात आपला उमेदवारी अर्ज दाखल करण्यास गेल्यानंतर भाजपा व महायुतीच्या कार्यकर्त्यांकडून जोरदार घोषणाबाजी करून उत्साह भरला जात होता. त्याचवेळी भाजपचे जिल्हा सरचिटणीस सचिन पोटरे यांनी ‘दिसतोय फरक राम शिंदे परत’ अशी घोषणा दिली.या घोषणेला उपस्थितांनी जोरदार दाद दिली. तसेच यावेळी गणेश पालवे, काकासाहेब धांडे, शोएब काझी, पप्पुशेठ धोदाड, हानू गावडे, तसेच महिला पदाधिकाऱ्यांनी या घोषणाबाजीत उत्स्फूर्त सहभाग घेत नवा जोश भरला. (Karjat Jamkhed latest news)

भाजपा नेते सचिन पोटरे यांनी दिलेली ‘दिसतोय फरक राम शिंदे परत’ ही घोषणा चांगलीच चर्चेत आली. या घोषणेमुळे भाजपा व महायुतीच्या कार्यकर्त्यांमध्ये नवा जोश भरला. भाजपने दिलेली ही नवी घोषणा मतदारसंघात चांगलीच चर्चेत आली आहे. (Karjat jamkhed news)